灣仔「餃子源」冷血老闆

各位友好，以下並非虛構誣衊。小弟亦得於灣仔上班並當日在場的朋友証實以下事件。我和朋友偶爾會到該店午飯，食物和價錢也合理，因此我們都樂於幫襯。該老闆一向以惡見稱，但未想到他會有如此埋沒良知。請各良心好友把以下事故告知各界友好，尤其於灣仔上班的友好們。小弟亦決定不會到該店幫襯！

上星期五在灣仔「餃子源」食 lunch，有個女仕在櫃台等外賣時突然暈倒，成個人躂o左落地。正常情況下梗係扶起佢，等佢休息o下先。點知個老闆好快咁話可以退返錢俾佢和另外的朋友，仲好大聲講住粗口叫人扶佢離開舖頭，又四圍叫o的客打999，自己又唔打（可能怕麻煩）！但個女士一o的都行唔到，o禁o岩在場有個救護員幫緊佢。

突然間有個肥胖細眼（可能是老闆娘）的人，手指著暈倒的女仕，夾著北京和廣東話大聲的咆哮，叫個女仕快o的走，唔好阻住做生意。天呀！係咪人o黎o家！仲暈緊點走呀！跟著我們都唔想食，埋單走。而個救護員亦向老闆話以後唔會幫襯，想不到老闆竟然答：“我唔洗你幫襯！”

當我回程時，見到暈倒的女士訓o左起隔離的舖頭被救護員救緊。大家都知道為什麼啦會去左隔離舖啦！

各位，既然老闆咁大口氣，我o地以後都唔好幫襯“餃子源”！！！並傳開此訊息給你認識的人！！！謝謝！