好同事

以下是我（Ａ）跟同事（Ｂ）的電話對話。一位新同事，很幫忙的同事。並且態度惡劣的一位同事。

(電話響起，我接過電話）
Ｂ：「Upload 左喇，你叫個客 check 下啦!」
（一呆，但不難從 Ｂ的五個以下的 project 名單下找出他說那一個 project）
Ａ：「哦，upload 左去 test site 呀呵？」
Ｂ：「下？ SPICA 咯！」
（註：SPICA是一個 server 用作 upload 網頁，分 Test/Development Server 和 Production Server。Test Server 用作測試用途，Production Server 是公眾瀏覽的網頁。）
Ａ：「咁，即係 test 定係 production 呀?」
Ｂ：「SPICA 咯！？你知唔知咩係 SPICA 呀？」
Ａ：「我知，咁你即係 upload 左去 SPICA 既 test 定 production 呀？」
Ｂ：「荃灣個個咯！」
Ａ：「哦！咁即係 test 定 production 呀？」
Ｂ：「（恥笑）荃灣個個咯！我諗你唔係好清楚 SPICA 喇。SPICA 有分兩個 server 既，一個係 production server，一個係 development server。Development Server 佢地會係 "dev.xxxxx.gov.hk"；production server 會係 "www.xxxxx.gov.hk"。咁...」
Ａ：「ＯＫ！咁你係咪即係 upload 左去 SPICA 個 development site 啦呵？」
Ｂ：「係。」
Ａ：「哦，即係 test 啦！」
Ｂ：「你話係就係啦！」
（內心「頂」了一句響的！）
Ａ：「咁我係咪即係可以叫個客幫手 upload d 圖呀？」
Ｂ：「點解關個客事呀？」
Ａ：「因為個客要用 SPICA 個 CMS 去額外 upload d 圖架，我地 upload 唔到。」
（註：CMS = Content Management System）
Ｂ：「唔係喎，我唔知你唔知啦，個 d 圖全部都 link 去 www.xxxxx.gov.hk 架喎。我地 upload 到架喎。叫阿Ｃ"FTP" 咪得咯！CMS 唔係咁用架，d 圖既 path 都唔係 CMS 個d path！」
Ａ：「我知 d 圖係 link 去 www.xxxxx.gov.hk，但係個 d 圖要個客用佢地既 login name 係 SPICA 既 CMS 度 upload 架。我地真係 upload 唔到架哩。」
Ｂ：「唉，咁事但你啦。你話唔得就唔得啦！」
（Ｂ即收線。）


態度之惡劣，令我無名火起！加上其頑固的思維，叫人厭煩！